Հնդկաստանի Գոա նահանգում ընթացող ՖԻԴԵ-ի աշխարհի գավաթի խաղարկության երկրորդ փուլը Հայաստանի բոլոր ներկայացուցիչները սկսել են ոչ-ոքիով:
Գաբրիել Սարգսյանը սև ֆիգուրներով ոչ-ոքի է գրանցել Իսրայելը ներկայացնող գրոսմայստեր Մաքսիմ Ռոդշտեյնի հետ, Շանթ Սարգսյանը սպիտակներով չի հաղթել Պերուն ներկայացնող գրոսմայստեր Ջորջ Կորիին, Ռոբերտ Հովհաննիսյանը սպիտակ խաղաքարերով ոչ-ոքի է ավարտել Հնդկաստանը ներկայացնող գրոսմայստեր Ռաունակ Սադհվանիի դեմ պարտիան, Հայկ Մարտիրոսյանն էլ սպիտակ ֆիգուրներով հաշտություն է կնքել ՖԻԴԵ-ն ներկայացնող գրոսմայստեր Վլադիսլավ Արտեմևի հետ:
Երկրորդ փուլում են նաև Հայաստանի հավաքականի նախկին առաջատար Լևոն Արոնյանը և Սամուել Սևյանը, որոնք ներկայացնում են Ամերիկայի Միացյալ Նահանգները:
Արոնյանը սպիտակներով հաղթել է Հնդկաստանը ներկայացնող միջազգային վարպետ Արոնյակ Գոշին: Սևյանը սպիտակ ֆիգուրներով ոչ-ոքի է ավարտել Սինգապուրը ներկայացնող գրոսմայստեր Թին Ջինյաոյի դեմ պարտիան:
Երկրորդ փուլի երկրորդ պարտիաները շախմատիստները կանցկացնեն նոյեմբերի 5-ին:
