Հնդկաստանի Գոա նահանգում ընթացող ՖԻԴԵ-ի աշխարհի գավաթի խաղարկությունում Հայաստանի չորս ներկայացուցիչներից երեքը դուրս է եկել երրորդ փուլ։

Պայքարը շարունակում են Շանթ Սարգսյանը, Գաբրիել Սարգսյանն ու Ռոբերտ Հովհաննիսյանը, որոնք հաղթել են արագ շախմատի թայ-բրեյքում։

Երկրորդ փուլի արգելքը չի հաղթահարել Հայկ Մարտիրոսյանը` պարտվելով Վլադիսլավ Արտեմևին։

Երրորդ փուլի դասական շախմատի առաջին պարտիաները կկայանան նոյեմբերի 7-ին, մեկնարկը` ժամը 12:00-ին։