Գաբրիել Սարգսյանը, Շանթ Սարգսյանն ու Լևոն Արոնյանը դուրս եկան Հնդկաստանի Գոա նահանգում ընթացող ՖԻԴԵ-ի աշխարհի գավաթի խաղարկության չորրորդ փուլ:
Գաբրիել Սարգսյանը երրորդ փուլում 1,5-0,5 հաշվով հաղթեց Հնդկաստանը ներկայացնող գրոսմայստեր Դիպտայան Գոշին, Շանթ Սարգսյանը նույն հաշվով առավելության հասավ թուրք Մուստաֆա Յիլմազի դեմ պայքարում:
Հայաստանի հավաքականի նախկին առաջատար, այժմ ԱՄՆ-ի ներկայացուցիչ Լևոն Արոնյանը 1,5-0,5 հաշվով պարտության մատնեց Արաբական Միացյալ Էմիրությունները ներկայացնող գրոսմայստեր Սալեմ Սալեհին:
