«Բարսելոնայի» նախագահ Ժոան Լապորտան կարող է հեռացվել իր պաշտոնից: Diario Sport-ը գրում է, որ կատալոնական ակումբի ընդդիմադիր անդամները հունվարի 7-ին պաշտոնապես անվստահության քվեարկության են նախաձեռնելու: Ավելի վաղ Լապորտայի հրաժարականը պահանջել էին 10 ընդդիմադիր կազմակերպություններ:
Անվստահության քվեարկության կազմակերպիչը «Բարսելոնայի» նախագահի նախկին թեկնածու Ժորդի Ֆարեն է, որը 2020 թվականին կազմակերպել է ակումբի նախկին նախագահ Ժոզեպ Բարտոմեուի դեմ անվստահության քվեարկությունը:
Ավելի վաղ Լա լիգան մերժել է «Բլաուգրանայի» ֆուտբոլիստներ Դանի Օլմոյին ու Պաու Վիկտորին մրցաշրջանի երկրորդ հատվածում հայտավորելու դիմումը, ինչի արդյունքում Լապորտայի աշխատանքից դժգոհ «սոսյոները» որոշել են անցնել ակտիվ գործողությունների:
