Իտալական «Ռոմայի» լեգենդար նախկին ավագ Ֆրանչեսկո Տոտիի որդին` 19-ամյա Քրիստիանն ավարտել է մարզական կարիերան, հաղորդում է La Nuova-ն:
«Այո՛, ես ավարտում եմ կարիերաս, որոշել եմ»,- ասել է կենտրոնական կիսապաշտպանը:
Քրիստիան Տոտին ամիսներ շարունակ ազատ գործակալ էր, նախորդ տարի հանդես էր եկել Դ Սերիայի «Օլբիա» ակումբում: Իտալական մամուլը պարբերաբար նրա խաղը համեմատում էր լեգենդար հոր ցուցադրած ֆուտբոլի հետ և քննադատում:
Ազգանվան ճնշմանը չդիմացած կրտսեր Տոտին պայմանագիր է կնքել ֆուտբոլային դպրոցի հետ, որը հիմնադրել է Ֆրանչեսկոն, ղեկավարը լեգենդար Տոտիի եղբայրն է` Ռիկարդոն:
Քրիստիանն այս դպրոցում կզբաղվի պատանի տաղանդների հայտնաբերմամբ:
