Գերմանիայի ազգային հավաքականն ՈւԵՖԱ-ի Ազգերի լիգայի խաղարկության A դիվիզիոնի երրորդ խմբի չորրորդ տուրում Մյունխենի «Ալյանց Արենա» ստադիոնում ընդունեց Նիդերլանդներին և հաղթեց 1-0 հաշվով:

Բունդեսթիմում նորամուտի խաղում հաղթական գոլի հեղինակ դարձավ գերմանական «Շտուտգարտի» կիսապաշտպան Ջեյմի Լևելինգը:

Խմբի մյուս խաղում Հունգարիան հյուրընկալվեց Բոսնիա և Հերցեգովինայի հավաքականին ու հաղթեց 2-0 հաշվով: Դուբլի հեղինակ դարձավ անգլիական «Լիվերպուլի» կիսապաշտպան Դոմինիկ Սոբոսլայը:

Յուլիան Նագելսմանի թիմը 10 միավորով խմբի առաջատարն է, Նիդերլանդներն ու Հունգարիան 5-ական միավորով բաժանում են 2-3-րդ տեղերը, բոսնիացիները մեկ միավորով վերջինն են:

A դիվիզիոնի երկրորդ խմբում աշխարհի փոխչեմպիոն Ֆրանսիան հյուրընկալվեց Բելգիային և հաղթեց 2-1 հաշվով: 

Դիդյե Դեշամի գլխավորած թիմից դուբլ գրանցեց ֆրանսիական ՊՍԺ-ի հարձակվող Ռանդալ Կոլո Մուանին: 76-րդ րոպեին աշխարհի փոխչեմպիոնի կազմում երկրորդ դեղին քարտը ստանալուց հետո խաղադաշտից հեռացվեց Մադրիդի «Ռեալի» կիսապաշտպան Օրելյեն Չուամենին:

Խմբի մյուս խաղում Իտալիան տանը 4-1 հաշվով հաղթեց Իսրայելին: Դուբլի հեղինակ դարձավ «Նապոլիի» պաշտպան, Իտալիայի հավաքականի ավագ Ջովանի Դի Լորենցոն:

Լուչիանո Սպալետիի գլխավորած թիմը 10 միավորով խմբի առաջատարն է, Ֆրանսիան` 9 միավորով երկրորդը, Բելգիան` չորս միավորով երրորդը, Իսրայելը միավոր չունի:

Ազգերի լիգա, խմբային փուլ, չորրորդ տուր

A դիվիզիոն, երկրորդ խումբ

Բելգիա – Ֆրանսիա` 1-2 (տեսանյութ)

Լոիս Օփենդա, 45+3 - Ռանդալ Կոլո Մուանի, 35 (11մ), 62

Չիրացրած 11-մետրանոց` Յուրի Տիլեմանս, 23 (Բելգիա

Հեռացում` Օրելյան Չուամենի, 76 (Ֆրանսիա)

Իտալիա – Իսրայել` 4-1 (տեսանյութ)

Մատեո Ռետեգի, 41 (11մ), Ջովանի Դի Լորենցո, 54, 79, Դավիդե Ֆրատեզի, 72 - Մոհամադ Աբու Ֆանի, 66

A դիվիզիոն, երրորդ խումբ

Գերմանիա – Նիդերլանդներ՝ 1-0 (տեսանյութ)

Ջեյմի Լեվելինգ, 64

Բոսնիա և Հերցեգովինա – Հունգարիա` 0-2 (տեսանյութ)

Դոմինիկ Սոբոսլայ, 38, 50 (11մ)

B դիվիզիոն, առաջին խումբ

Ուկրաինա – Չեխիա՝ 1-1

Արտյոմ Դովբիկ, 52 (11մ) - Լուկաշ Չերվ, 18

Վրաստան – Ալբանիա՝ 0-1 (տեսանյութ)

Քրիստիան Ասլանի, 48

B դիվիզիոն, չորրորդ խումբ

Ուելս – Չեռնոգորիա` 1-0 (տեսանյութ)

Իսլանդիա – Թուրքիա` 2-4 (տեսանյութ)

C դիվիզիոն, առաջին խումբ

Էստոնիա – Շվեդիա` 0-3 (տեսանյութ)

Ադրբեջան – Սլովակիա` 1-3 (տեսանյութ)

Թորալ Բայրամով, 38 - Ռահիլ Մամադով, 15 (ինքնագոլ), Լուկաշ Հարասլին, 75, Դևիդ Դյուրիշ, 86

Հեռացում` Մահիր Էմրելի, 70 (Ադրբեջան)