Տոկիոյի Օլիմպիական խաղերի (2021թ.) բրոնզե մեդալակիր, հայ բռնցքամարտիկ Հովհաննես Բաչկովը Ստամբուլում նոկաուտով հաղթել է հարավաֆրիկացի Խոլիսանի Նդոնգենիին։
9-րդ ռաունդում 32-ամյա Բաչկովը հուժկու հարվածով տապալել է մրցակցին ու նվաճել IBA Pro վարկածով չեմպիոնական գոտին։ Նա նաև պաշտպանել է WBA Continental գոտին։ Մենամարտը կայացել է մինչև 63,5 կգ քաշային կարգում։
Եվրոպայի եռակի չեմպիոն Բաչկովին պարգևատրել է Հայաստանի բռնցքամարտի ֆեդերացիայի նախագահ Հովհաննես Հովսեփյանը։
Բաչկովը պրոֆեսիոնալ ռինգում հաղթել է բոլոր 8 մենամարտերում (7-ը` նոկաուտով)։ Նդոնգենին կրել է 7-րդ պարտությունը։ Նա նաև 33 հաղթանակ ունի։
