«Բարսելոնան» ցանկանում է թիմ հրավիրել «Սևիլիայի» պաշտպան Ժյուլ Կունդեին։

Լրագրող Ժերար Ռոմերոյի հաղորդմամբ՝ կատալոնական ակումբն արդեն պայմանագիր է համաձայնեցրել 23-ամյա կենտրոնական պաշտպանի հետ։ Ֆրանսիացին ցանկանում է միայն «Բարսելոնա» տեղափոխվել։

Ավելի վաղ հաղորդվում էր, որ անդալուզյան ակումբը Կունդեի տեղափոխության համար 60 մլն եվրո է պահանջում։ 2021/22 մրցաշրջանում ֆրանսիացին «Սևիլիայի» կազմում 44 խաղի է մասնակցել։