«Բարսելոնան» ցանկանում է ևս մեկ մրցաշրջանով վարձակալել Մադրիդի «Աթլետիկոյի» վինգեր Ժոաու Ֆելիքսին։

Ըստ Marca-ի` «Բլաուգրանայի» նոր գլխավոր մարզիչ Հանսի Ֆլիկը նույնպես կողմ է, որ պորտուգալացի ֆուտբոլիստը շարունակի հանդես գալ կատալոնական ակումբում։

Ֆլիկի համաձայնությունը, սակայն, չի երաշխավորում, որ Ֆելիքսը կմնա «Բարսելոնայում»։ Դեռ հայտնի չէ, թե ինչ որոշում է կայացրել «Աթլետիկոն» 24-ամյա ֆուտբոլիստի ապագայի վերաբերյալ։ Միայն հայտնի է, որ «Բարսելոնան» ֆինանսապես պատրաստ չէ գնել վինգերի տրանսֆերային ամբողջական իրավունքը։

Հիշեցնենք, որ Ֆելիքսը 2023/24 մրցաշրջանը վարձավճարով անցկացրել է «Բարսելոնայում» և 44 խաղում խփել է 10 գոլ, կատարել 6 ասիստ։