Իսպանիայի Լա լիգայի 19-րդ տուրում կայացած կատալոնական դերբիում առաջատար «Բարսելոնան» 1-0 հաշվով արտագնա հաղթանակ տարավ «Ժիրոնայի» նկատմամբ:

Հանդիպման միակ գոլը 61-րդ րոպեին խփեց իսպանացի կիսապաշտպան Պեդրին, որը 26-րդ րոպեին փոխարինել էր վնասվածք ստացած, ֆրանսիացի վինգեր Ուսման Դեմբելեին: 

Իսպանիայի ազգային հավաքականի 20-ամյա ֆուտբոլիստը 100-րդ հանդիպումն անցկացրեց կատալոնական ակումբի կազմում:

Որակազրկման պատճառով խաղին չմասնակցեցին «Բարսելոնայի» հարձակվողներ Ռոբերտ Լևանդովսկին, որը 13 գոլով մրցաշարի գլխավոր ռմբարկուն է, և Ֆերան Տորեսը:

18 խաղից հետո «Բարսելոնան» 47 միավորով առաջատարն է և երկրորդ տեղում գտնվող Մադրիդի «Ռեալին» գերազանցում է 6 միավորով, սակայն իտալացի Կառլո Անչելոտիի գլխավորած թիմը 1 խաղ պակաս է անցկացրել:

Իսպանիայի Լա լիգա, 19-րդ տուր

«Ժիրոնա» - «Բարսելոնա»՝ 0-1 (տեսանյութ)

Պեդրի, 61

Խաղային օրվա մյուս արդյունքները՝ 

«Ալմերիա» - «Էսպանյոլ»՝ 3-1 (տեսանյութ)

«Կադիս» - «Մալյորկա»՝ 2-0 (տեսանյութ)