Կատալոնական «Բարսելոնայի» պաշտպան Ռոնալդ Արաուխոն կերկարաձգի ակումբի հետ պայմանագրի ժամկետը, հայտնում է ինսայդեր Նիկոլո Սկիրան:
Կողմերն արդեն համաձայնության են հասել, և գործարքի մասին պաշտոնապես կհայտարարվի առաջիկա ժամերին:
Նոր պայմանագիրը նախատեսված է մինչև 2030 թվականը՝ ժամկետը ևս մեկ տարով երկարաձգելու հնարավորությամբ:
Ավելի վաղ հայտնի էր դարձել, որ ուրուգվայցի ֆուտբոլիստի ծառայություններով հետաքրքրված է Թուրինի «Յուվենտուսը», սակայն «Բարսելոնան» մերժել էր առաջարկը՝ պահանջելով 70 միլիոն եվրո:
