Կատալոնական «Բարսելոնան» ֆինանսական խնդիրների պատճառով պատրաստ է հրաժեշտ տալ իսպանացի հարձակվող Ֆերան Տորեսին և բրազիլացի վինգեր Ռաֆինիային, հայտնում է The Athletic-ը:
22-ամյա Տորեսը «Բարսելոնա» է տեղափոխվել 2022 թվականի հունվարին: Ընթացիկ մրցաշրջանի 25 խաղում նա խփել է 5 գոլ, կատարել 5 արդյունավետ փոխանցում: Կողմերի միջև պայմանագիրն ուժի մեջ է մինչև 2027 թվականը:
26-ամյա Ռաֆինիան ևս 2022 թվականից է խաղում «Բարսելոնայում», որի կազմում ընթացիկ մրցաշրջանում մասնակցել է 29 հանդիպման, դարձել 6 գոլի ու 8 գոլային փոխանցման հեղինակ:
Transfermarkt-ը Ֆերան Տորեսի տրանսֆերային արժեքը գնահատում է 35 միլիոն եվրո, իսկ Ռաֆինիայինը՝ 50 միլիոն եվրո:
