«Բարսելոնայի» ֆուտբոլիստներ Ռոբերտ Լևանդովսկին, Մարկ Կասադոն և Մարկ Բեռնալը կարող են բաց թողնել «Մալյորկայի» դեմ Լա լիգայի առաջին տուրի հանդիպումը, գրում է Sport-ը:
Կատալոնական թիմը շարունակում է պատրաստվել մրցաշրջանի առաջին պաշտոնական հանդիպմանը, որը կկայանա «Սոն Մոիքս» ստադիոնում:
Լևանդովսկին, Բեռնալն ու Կասադոն մարզվում են ընդհանուր խմբից առանձին և ֆիզիկապես դեռ պատրաստ չեն մասնակցել խաղին: Լևանդովսկին վնասվածք էր ստացել «Կոմոյի» դեմ ընկերական խաղում: Թիմի գլխավոր մարզիչ Հանսի Ֆլիկը մտադիր է առաջիկա մրցաշրջանում ռիսկի չենթարկել լեհ հարձակվողի առողջությունը:
Լևանդովսկին, որն օգոստոսի 21-ին կնշի ծննդյան 37-րդ տարեդարձը, 42 գոլով «Բարսելոնայի» գլխավոր ռմբարկուն էր նախորդ մրցաշրջանում:
