«Բարսելոնայի» ու «Լիվերպուլի» լեգենդների միջև 2020 թվականին նշանակված, իսկ հետո կորոնավիրուսի համավարակի պատճառով հետաձգված հանդիպման նոր ժամանակացույց է սահմանվել:
Կատալոնական ակումբի պաշտոնական կայքի հաղորդմամբ՝ թիմերի լեգենդների միջև խաղը կկայանա 2022 թվականի մարտի 26-ին՝ Երևանի ժամանակով 18:00-ին, Լիվերպուլի «Էնֆիլդ» ստադիոնում:
«Բարսելոնայի» լեգենդներից Խավիեր Սավիոլայի ու Էդմիլսոնի մասնակցությունը հաստատված է, իսկ «Լիվերպուլից» հաստատված է Եժի Դուդեկի, Բյորն Կվարմեի, Վլադիմիր Շմիցերի, Ֆիլ Բեբի, Պատրիկ Բերգերի ու Սթիվ Մաքմանամանի մասնակցությունը:
Խաղից ստացված հասույթը կուղղվի բարեգործության:
