Բասկետբոլի կանանց Հայաստանի հավաքականի առաջատար Ինգա Մանուչարյանը, հանդես գալով Հունաստանի երկրորդ դիվիզիոնը ներկայացնող «Օլիմպիակոս Վոլու» ակումբում, տպավորիչ նվաճման է հասել, հաղորդում է ՀԲՖ մամուլի ծառայությունը:
20 խաղում վաստակել է ռեկորդային 437 միավոր՝ դառնալով Հունաստանի կանոնավոր առաջնության պատմության ամենաշատ միավոր վաստակած խաղացողը։ Մանուչարյանը յուրաքանչյուր խաղում միջինում վաստակում է 22 միավոր:
«Օլիմպիակոս Վոլուն» ընդամենը մեկ միավորի պատճառով չի կարողացել դուրս գալ առաջնության փլեյ-օֆֆ փուլ։
