Անգլիայի չեմպիոն «Մանչեսթեր Սիթիի» պորտուգալացի պաշտպան Ժոաու Կանսելուն, որը վարձավճարով ելույթ է ունենում Մյունխենի «Բավարիայում», կարող է կարիերան շարունակել կատալոնական «Բարսելոնայում»:
Diario Sport-ի տեղեկություններով, Գերմանիայի չեմպիոնը մանչեսթերյան ակումբին հայտնել է, որ չի երկարաձգելու վարձակալության ժամկետը, ոչ էլ գնելու է 28-ամյա խաղացողի տրանսֆերային իրավունքը:
Կանսելուն ստիպված կլինի վերադառնալ Անգլիա, իսկ «Մանչեսթեր Սիթին» կփորձի վաճառել նրա տրանսֆերային իրավունքը, սակայն կդիտարկի նաև վարձավճարով այլ թիմ ուղարկելու տարբերակը:
Պորտուգալիայի ազգային հավաքականի պաշտպանի ծառայություններով լրջորեն հետաքրքրված է Իսպանիայի փոխչեմպիոն «Բարսելոնան», որը ցանկանում է ամրապնդել պաշտպանության աջ եզրն ու լավ հարաբերություններ ունի Կանսելուի գործակալ Ժորժե Մենդեշի հետ:
Ընթացիկ մրցաշրջանում Կանսելուն չորս խաղ անցկացրել է Բունդեսլիգայում, 17 հանդիպում` ԱՊԼ-ում և դարձել երկու գոլի ու նույնքան ասիստի հեղինակ:
