Մյունխենի «Բավարիան» պաշտոնապես հայտարարել է «Հոֆենհայմի» կիսապաշտպան Տոմ Բիշոֆի հետ պայմանագիր կնքելու մասին:
19-ամյա ֆուտբոլիստը մյունխենցիներին կմիանա հուլիսից ազատ գործակալի կարգավիճակով: Պայմանագրի ժամկետը կգործի մինչև 2029 թվականի հունիսի 30-ը ներառյալ:
Բիշոֆն իր վերջնական որոշումը կայացրել է «Բավարիայի» մարզական տնօրեն Մաքս Էբեռլի, ինչպես նաև գլխավոր մարզիչ Վենսան Կոմպանիի հետ զրուցելուց հետո:
Տոմ Բիշոֆն այս մրցաշրջանում 18 խաղում 4 գոլ է խփել:
