«Բավարիան» պաշտոնապես հաստատել է, որ թիմի ֆուտբոլիստների շրջանում կորոնավիրուսի 4 դեպք է գրանցվել:
Վարակակիր են դարպասապահ Մանուել Նոյերը, պաշտպան Օմար Ռիչարդսը, կիսապաշտպաններ Կինգսլի Կոմանն ու Կորենտին Տոլիսոն:
Վարակակիրների թվում է նաև մարզչական շտաբի մեկ անդամ: Թիմը մարզումներին կվերադառնա հունվարի 2-ի փոխարեն հունվարի 3-ին:
Ֆուտբոլիստները, մարզչական շտաբի անդամները մարզումից առաջ վարակի ստուգման թեստ կհանձնեն:
