Լևերկուզենի «Բայերը» Բունդեսլիգայի 21-րդ տուրում ընդունեց երկրի գործող չեմպիոն «Բավարիային» և հաղթեց 3-0 հաշվով:

«Բայերի» կազմում գոլի հեղինակ դարձան կիսապաշտպաններ, խորվաթ Յոսիպ Ստանիսիչը, իսպանացի Ալեխանդրո Գրիմալդոն և նիդերլանդցի պաշտպան Ժերեմի Ֆրիմպոնգը:

Խաբի Ալոնսոյի գլխավորած թիմը 55 միավորով ամրապնդվեց առաջին տեղում, «Բայերը» 5 միավորով գերազանցում է երկրորդ տեղում գտնվող «Բավարիային»:

Բունդեսլիգա, 21-րդ տուր

«Բայեր» -«Բավարիա»՝ 3-0 

Յոսիպ Ստանիսիչ, 18, Ալեխանդրո Գրիմալդո, 50, Ժերեմի Ֆրիմպոնգ, 90+5