Մադրիդի «Ռեալի» կիսապաշտպան Ջուդ Բելինգեմը 41-րդ խաղն է անցկացնում Անգլիայի ազգային հավաքականում, հաղորդում է Opta-ն:
21-ամյա Բելինգեմը գերազանցեց Ուեյն Ռունիի տարիքային ռեկորդը: Լեգենդար անգլիացին ազգային հավաքականի կազմում նույն տարիքում անցկացրել էր 40 խաղ:
Ջուդը հավաքականում նորամուտը նշել է 17 տարեկանում՝ 2020 թվականի նոյեմբերի 12-ին մասնակցելով Իռլանդիայի թիմի դեմ տնային ընկերական խաղին:
Այս պահին անգլիացիները Մունդիալ-2026-ի եվրոպական գոտու որակավորման փուլի մեկնարկային տուրում «Ուեմբլիում» մրցում են Ալբանիայի հավաքականի դեմ: Խաղը «Ֆասթ Սպորտ»-ի ուղիղ եթերում է:
41 - Jude Bellingham is making his 41st appearance for England, overtaking Wayne Rooney's record (40) for most games for the senior side while aged 21 or younger. Baton. pic.twitter.com/wBVzvIiFlL
— OptaJoe (@OptaJoe) March 21, 2025


