«Ռեալի» կիսապաշտպան Ջուդ Բելինգհեմն ակումբի ղեկավարությանը խորհուրդ է տվել պայմանագիր կնքել «Քրիստալ Փելասի» կիսապաշտպան Ադամ Ուորթոնի հետ, գրում է Sport-ը:
21-ամյա կիսապաշտպանը Բելինգհեմի խաղընկերն է Անգլիայի հավաքականում, և ըստ «Ռեալի» խաղացողի՝ Ուորթոնն իր խաղային որակներով շատ նման է մադրիդցիների լեգենդար, նախկին ֆուտբոլիստ Տոնի Կրոսին:
Գործարքի իրականացումը, սակայն, հեշտ չի լինի, քանի որ «Քրիստալ Փելասը» մտադիր չէ բաժանվել իր կիսապաշտպանից ու նրա տրանսֆերի համար կպահանջի շատ մեծ գումար:
Ադամ Ուորթոնի ծառայություններով հետաքրքրված են նաև անգլիական մի շարք ակումբներ:
