Մադրիդի «Ռեալի» հարձակվող Կարիմ Բենզեման խոսել է Չեմպիոնների լիգայի 1/8 եզրափակիչում ՊՍԺ-ի դեմ կայանալիք դիմակայությունից։

«Եթե ցանկանում ես մինչև եզրափակիչ հասնել, ապա պետք է հաղթես բոլոր թիմերին։ ՊՍԺ-ն Չեմպիոնների լիգայի ֆավորիտներից է՝ կասկած չկա։ Մենք պիտի երկու դժվար հանդիպում անցկացնենք։ Մենք ցանկանում ենք հաջորդ փուլ անցնել, ցանկանում ենք անցնել ամբողջ ճանապարհը։ Կարիք չկա համեմատելու մեր ու փարիզցիների հարձակման գիծը։

«Ռեալի» ֆուտբոլիստներն այս խաղին լավ մարզավիճակով են մոտենում։ Կհաղթի այն թիմը, որն ավելի լավ պատրաստված կլինի»,- Բենզեմայի խոսքն է հաղորդում France Football-ը։

Թիմերի միջև առաջին հանդիպումը կկայանա փետրվարի 15-ին, պատասխան հանդիպումը՝ մարտի 9-ին։