Ֆուտբոլի աշխարհի ակումբային առաջնության եզրափակիչում Մադրիդի «Ռեալը» 5-3 հաշվով առավելության հասավ Սաուդյան Արաբիայի «Ալ Հիլյալ» ակումբի նկատմամբ:
Կառլո Անչելոտիի թիմը 5-րդ անգամ հաղթեց այս մրցաշարում, իսկ «Ռեալի» ֆրանսիացի հարձակվող Կարիմ Բենզեմայի համար այս տիտղոսը 25-րդն էր մադրիդյան ակումբի կազմում:
Այս ցուցանիշով 35-ամյա ֆուտբոլիստը հավասարվեց ակումբի բրազիլացի նախկին պաշտպան Մարսելոյին: «Ռեալի» պատմության մեջ ոչ մի այլ ֆուտբոլիստ ավելի շատ թիմային տիտղոս չի նվաճել:
