Ուրուգվայի հավաքականի հարձակվող Լուիս Սուարեսը կարող է կարիերան շարունակել Դորտմունդի «Բորուսիայում», հայտնում է Sky Sports-ի գերմանական բաժինը:
Գերմանական ակումբի ղեկավարությունն արդեն առաջարկ է արել ուրուգվայցի 35-ամյա ֆուտբոլիստին, որը գտնվում է ազատ գործակալի կարգավիճակում։
Դորտմունդի «Բորուսիան» ակտիվորեն նոր հարձակվող է փնտրում կոտդիվուարցի Սեբաստյեն Ալեի հիվանդության պատճառով։ Ավելի վաղ 28-ամյա հարձակվողի մոտ ամորձիների քաղցկեղ էր ախտորոշվել։
Նախորդ 2 մրցաշրջանում Լուիս Սուարեսը խաղում էր Մադրիդի «Ատլետիկոյում», որի հետ հարձակվողի պայմանագրի ժամկետն ավարտվել է հուլիսի 1-ին:
35-ամյա հարձակվողը կարիերայի ընթացքում պաշտպանել է նաև ուրուգվայական «Նասյոնալի», հոլանդական Գրոնինգենի և «Այաքսի», անգլիական «Լիվերպուլի», իսպանական «Բարսելոնայի» գույները:
