Հոլիվուդյան աստղերը երեկ երեկոյան հավաքվել էին Լոս Անջելեսի Շատո Մարմոնտում՝ «Ջեյ Քելլի» ֆիլմի պրեմիերային։ Հյուրերին դիմավորել են 64-ամյա Ջորջ Քլունին և 59-ամյա Ադամ Սենդլերը, որոնք նկարահանվել են ֆիլմում, ինչպես նաև ռեժիսոր Նոա Բաումբախը։ Ջորջը հպարտությամբ ժամանել էր միայնակ՝ առանց իր հմայիչ կնոջ՝ փաստաբան Ամալ Քլունիի։ Ադամը միջոցառմանը մասնակցել է կնոջ՝ Ջեքիի և դուստրերի՝ Սեդիի ու Սաննիի հետ։
Բրեդ Փիթը և նրա ընկերուհին՝ Ինես դե Ռամոնը, ներկա էին կոկտեյլ երեկույթին: Օսկարի դափնեկիրը վաղեմի բարեկամություն ունի Քլունիի հետ և որոշել է աջակցել իր հին ընկերոջը պրեմիերայի ժամանակ: «F1»-ի դերասանը Ջորջին հանդիպելուց հետո ջերմ գրկախառնվել է։
Անջելինա Ջոլիի նախկին ամուսինը նախընտրել էր առօրյա կերպար՝ վառ կանաչ թավշյա վերնաշապիկ, կապույտ ջինսեր և սպիտակ սպորտային կոշիկներ: Ինես դե Ռամոնը նախընտրել էր ավելի նրբագեղ կերպար՝ կրելով խորը դեկոլտեով զգեստ, որը գրկում էր նրա նիհար կազմվածքի յուրաքանչյուր սանտիմետրը: Հագուստը լրացնում էր բեժ գույնի կաշվե Chanel պայուսակը, որի արժեքը կազմում էր 8000 դոլար:
