Հայ սամբիստները սկսել են պայքարը Ռուսաստանի Կազան քաղաքում մեկնարկած BRICS մարզական խաղերում:
Առաջին մրցումային օրը Արթուր Մանուկյանը (64 կգ) դարձել է բրոնզե մեդալակիր: Հայ սամբիստը մրցաշարում պայքարը սկսել է ղրղզ մրցակցի նկատմամբ 5-0 հաշվով հաղթանակով, սակայն կիսաեզրափակիչում նույն հաշվով պարտվել է ուզբեկ Սարդոր Օլիմջոնովին։
Բրոնզե մեդալի համար պայքարում Մանուկյանը 3-0 հաշվով հաղթել է մոնղոլ սամբիստ Մուխբատ Գանկհույագին:
Արամ Աղաջանյանը (71 կգ), Արթուր Հակոբյանը (79 կգ), Արփինե Մնացականյանը (54 կգ) և Աննա Այվազյանը (50 կգ) ևս պայքարի մեջ են մտել, սակայն մեդալ չեն նվաճել:
