Անթալիայում ընթացող բռնցքամարտի Եվրոպայի երիտասարդական առաջնությունում Հայաստանը ներկայացնող 69 կգ քաշային Տոնի Գալստյանը դուրս մնաց հետագա պայքարից, հաղորդում է ՀԲՖ մամուլի ծառայությունը:
Երկու հաղթանակներից հետո մեր մարզիկը դուրս էր եկել քառորդ եզրափակիչ փուլ, և այսօր հաղթանակի դեպքում կապահովեր առնվազն բրոնզե մեդալ:
Բուլղարիան ներկայացնող Պավել Միխայլուկի հետ մենամարտում, չնայած ունենալով բացահայտ առավելություն, այնուամենայնիվ, մրցավարներն անհասկանալիորեն հաղթանակը շնորհեցին բելառուսցի մարզիկին:
Այսպիսով, Հայաստանի ներկայացուցիչներից պայքարը շարունակում է միայն 49 կգ քաշային Էրիկ Թոխյանը, ով վաղը հաղթելու դեպքում կապահովի բրոնզե մեդալը և հնարավարություն կունենա պայքարել եզրափակչի համար:
