Բռնցքամարտի Հայաստանի հավաքականը մեկնել է Արաբական Միացյալ Էմիրությունների Դուբայ քաղաք` մասնակցելու աշխարհի առաջնությանը։

Մրցաշարին կմասնակցեն հետևյալ բռնցքամարտիկները.

• Բարեղամ Հարությունյան (48կգ)
• Ռուդոլֆ Գարբոյան (51կգ)
• Դավիթ Եգորյան (54կգ)
• Ժիրայր Սարգսյան (57կգ)
• Արթուր Բազեյան (60կգ)
• Նարեկ Հովհաննիսյան (63,5կգ)
• Արմեն Մաշակարյան (67կգ)
• Արարատ Հարությունյան (71կգ)
• Վախթանգ Հարությունյան (75կգ)
• Արտուշ Հովհաննիսյան (80կգ)
• Ռաֆայել Հովհաննիսյան (86կգ)
• Նարեկ Մանասյան (92կգ)
• Դավիթ Չալոյան (+92կգ)

Հայաստանի հավաքականը մրցաշարում հանդես կգա Ռուդիկ Մկրտչյանի գլխավորությամբ, իսկ պատվիրակությունը գլխավորում է Հայաստանի բռնցքամարտի ֆեդերացիայի նախագահ Հովհաննես Հովսեփյանը։

Մրցավայր են մեկնել նաև ֆեդերացիայի առաջին փոխնախագահ Սամվել Գասպարյանը, անվանի ու տիտղոսակիր բռնցքամարտիկներ Մեխակ Ղազարյանը և Սամսոն Խաչատրյանը։

Աշխարհի առաջնությունում Հայաստանի ներկայացուցիչների թվում կա նաև մրցավար. մրցաշարում կաշխատի միջազգային կարգի մրցավար Բագրատ Ավոյանը։

Աշխարհի առաջնությունը կանցկացվի դեկտեմբերի 2-13-ը։