Բռնցքամարտը ներառվել է 2028 թվականին Լոս Անջելեսում կայանալիք ամառային Օլիմպիական խաղերի ծրագրում, հաղորդում է մրցաշարի մամուլի ծառայությունը։ Որոշումն ընդունվել է Հունաստանում ընթացող Միջազգային օլիմպիական կոմիտեի (ՄՕԿ) 144-րդ նստաշրջանում:
World Boxing-ը պատասխանատու կլինի Օլիմպիական խաղերի բռնցքամարտի որակավորման փուլի և գլխավոր մրցումների համար: Համաշխարհային բռնցքամարտի ֆեդերացիային այս պահի դրությամբ անդամակցում են 88 երկրների ազգային ֆեդերացիաներ:
Հիշեցնենք, որ ՄՕԿ-ը 2024 թվականին Բռնցքամարտի միջազգային ֆեդերացիային (IBA) զրկել էր Փարիզի Օլիմպիական խաղերի բռնցքամարտի մրցաշարի որակավորման փուլի անցկացման իրավունքից:
