Գերմանիայի ազգային հավաքականի կիսապաշտպան Էմրե Ջանը նշանակվել է Դորտմունդի «Բորուսիայի» ավագ, հայտնում է ակումբի մամուլի ծառայությունը:

Օրեր առաջ «Բորուսիայի» ավագի թևկապից հրաժարվել էր գերմանացի կիսապաշտպան Մարկո Ռոյսը: 34-ամյա ֆուտբոլիստը գերմանական ակումբի ավագն էր 2018 թվականից:

Հիշեցնենք, որ 29-ամյա Ջանը 2020 թվականից է խաղում «Բորուսիայում»: Կիսապաշտպանը հուլիսի 22-ին նոր պայմանագիր էր ստորագրել Գերմանիայի փոխչեմպիոնի հետ (նախատեսված է մինչև 2026 թվականի հունիսի 30-ը):