Եվրոպա, ՈւԵՖԱ Եվրոպայի առաջնություն, Որակավորում 1 տուր
23 Մարտ 2019 - 23:45
2Բոսնիա և Հերցեգովինա
Հայաստան
1 - 0 Ռադե Կրունիչ - 33`
2 - 0 Դենի Միլոշևիչ - 80`
2 - 1 Հենրիխ Մխիթարյան - 93`
Բոսնիայի և Հերցեգովինայի ազգային հավաքականն այսօր եվրոպական ֆուտբոլում տոն տվող թիմերից է, տանը ուշ-ուշ է պարտություն կրում, իսկ թոփ մակարդակի հավաքականների համար իսկական գլխացավանք է՝ ամուր կոլեկտիվ, անսասան պաշտպանություն, հավաքված միջին գիծ ու Էդին Ջեկո: Դե արի ու հաղթիր:
Բայց ազգային թիմի և լոկալ ֆուտբոլի միջև ընդհանրություն գրեթե չկա: Բոսնիա և Հերցեգովինան ամենավառ օրինակն է այն բացասական երևույթի, թե ինչպես է քաղաքականությունն ազդում ֆուտբոլի վրա: Բոսնիա և Հերցեգովինան երկիր է, որտեղ ազգային հավաքականի տնային հանդիպումների ժամանակ երկրպագուների մի խմբավորում կարող է մինչև վերջին ձայնալարը երկրպագել, իսկ մյուսը բղավել, թե որքան է ատում այդ հավաքականը:
Բոսնիական պատերազմից հետո Բոսնիան դեռ երկար ժամանակ ուշքի չէր գալիս: Երկրում որպես այդպիսին ֆուտբոլ խաղում էին, սակայն պրոֆեսիոնալ մակարդակի մասին խոսք լինել: Ինչի մասին է խոսքը, երբ փորձ էր կատարվում կազմակերպել ներքին առաջնություն, սակայն երկրի հիմնական բնակիչները՝ էթնիկ բոսնիակները, բոսնիացի խորվաթները և բոսնիացի սերբերը չէին ցանկանում հանդես գալ մի մրցաշարում: Ի վերջո, «էշը ցեխից մի կերպ հանվեց»: Բայց ամեն ինչ հերթով:
Ֆուտբոլ ու պատերազմ
Անկախացումից հետո, ինչպես նշվեց, ներքին առաջնություն հնարավոր չէր լինում ստեղծել: Պարզապես անցկացվում էին մրցաշարեր երկրում բնակվող յուրաքանչյուր 3 հիմնական ազգությունների համար: Բոսնիակներն իրենց ուժերը փորձում էին մուսուլմանական լիգայում, բոսնիացի սերբերն ու խորվաթները՝ իրենց ազգային ներքին լիգաներում: Երկարատև պայքարի արդյունքում բոսնիակներն ու խորվաթները միավորեցին իրենց լիգաները, իսկ սերբերն այդպես մնացին նույն կետի վրա:
Ազգային սկզբունքով անցկացվող երեք առաջնությունները գոյություն են ունեցել մինչև 1997 թվականը: Բոնսիացիներն ու խորվաթները որոշեցին համախմբել ուժերը ու ստեղծեցին առանձին փլեյ-օֆֆ, որտեղ Մուսուլմանական լիգայի հաղթողը մրցում էր Խորվթական լիգայի ուժեղագույն թիմի հետ: Հաղթանակը թույլ էր տալիս ակումբին իրեն կոչել Բոսնիայի չեմպիոն ու երկիրը ներկայացնել եվրագավաթներում:
Սակայն այս ֆորմատն էլ երկար կյանք չունեցավ: 2000 թվականին կազմակերպվեց միասնական առաջնություն, որին պետք է մասնակցեին 3 ազգությունները: Բոսնիակներն ու խորվաթները համաձայնեցին, իսկ սերբերը հերթական անգամ դարձան բոլորի «աչքի գրողը»՝ ևս 2 տարի խաղալով առանձին: Միայն 2002 թվականից մրցաշարը դարձավ «եռակողմ»: Հատկանշական է, որ այն լիգան, որտեղ սկսել են Սերբական Հանրապետության ակումբները, գործում է առ այսօր: Բոսնիա և Հերցեգովինայի առաջին լիգայի հետ համատեղ սերբական առաջնությունը ձևավորում է լոկալ ամենաթույլ լիգան՝ երկրորդ դիվիզիոնը:
