Հայազգի քաղաքական գործիչ Մարտին Պետցոլդը, որը 2013-2017թթ․ եղել է Գերմանիայի Բունդեսթագի պատգամավոր, իր ֆեյսբուքյան էջում հրապարակել է տեսանյութ՝ ի աջակցություն Հայաստանի Հանրապետության: Խոսքով է հանդես եկել նաև հայտնի բռնցքամարտիկ Արթուր Աբրահամը: Մասնակիցները գերմաներենով ասում են․ «Ցանկանում ենք՝ Հայաստանում խաղաղություն լինի»:
Հավելենք, որ Պետցոլդը ծնվել է 1984 թվականին Մոսկվայում: Հայրը գերմանացի է, մայրը՝ հայուհի: Պետցոլդն իր ամբողջ կյանքն անցկացրել է Բեռլինում, բայց չի կորցրել կապը հայկական արմատների հետ: Մանկուց սովորել է հայերեն, նաև մայրիկի հետ հաճախ այցելել Երևան: Նա իր հայկական ծագման մասին հերթական անգամ հայտարարել է Բունդեսթագում 2016 թվականի ամռանը՝ 1915 թվականի Ցեղասպանությունը ճանաչող բանաձևի ընդունման ժամանակ:
Հայազգի քաղաքական գործիչն այս տեսանյութով հրավիրել է գերմանական լրատվամիջոցների ուշադրությունը Հայաստանում և Արցախում ծավալվող իրադարձություններին:
Արթուր Աբրահամ. «Ես նման բան չէի տեսել՝ ինչպես է մի ամբողջ ազգ համախմբվում մեկ օրում»
