Լոնդոնի «Չելսիի» սենեգալցի դարպասապահ Էդուար Մենդին կարիերան կշարունակի Սաուդյան Արաբիան ներկայացնող «Ալ Ահլի» ակումբում, հայտնում է ակումբի մամուլի ծառայությունը:
31-ամյա ֆուտբոլիստի տրանսֆերային իրավունքի վաճառքից անգլիական ակումբը կվաստակի 20 միլիոն եվրո: Մենդին 2020 թվականի սեպտեմբերից էր խաղում «Չելսիում»:
Ավարտված մրցաշրջանում Սենեգալի հավաքականի դարպասապահը 12 հանդիպում էր անցկացրել լոնդոնցիների կազմում:
Հիշեցնենք, որ օրեր առաջ Սենեգալի հավաքականի պաշտպան Կալիդու Կուլիբալին «Չելսիից» տեղափոխվել էր Սաուդյան Արաբիան ներկայացնող «Ալ Հիլյալ»:
