Լոնդոնի «Չելսին» մտադիր է թիմում պահել ֆրանսիացի կիսապաշտպան Նգոլո Կանտեին, հայտնում է լրագրող Սայմոն Ֆիլիպսը:
Լոնդոնյան ակումբի ղեկավարությունը ցանկանում է համոզվել, որ աշխարհի չեմպիոնը պատրաստ կլինի մրցաշրջանի երկրորդ հատվածին վնասվածքից ապաքինվելուց հետո: Վերջինս նույնպես մտադիր է մնալ անգլիական ակումբում, սակայն դեռևս չի կարողանում համաձայնության գալ նոր պայմանագրի հարցում:
31-ամյա ֆուտբոլիստի գործող համաձայնագիրը նախատեսված է մինչև 2023 թվականի հունիսի 30-ը:
Ընթացիկ մրցաշրջանում Կանտեն «Չելսիի» կազմում անցկացրել է ընդամենը 2 խաղ, գոլով կամ գոլային փոխանցմամբ աչքի չի ընկել:
