Անգլիայի Պրեմիեր լիգայում շարունակվում է 18-րդ տուրը։
«Չելսին» տնային լոնդոնյան դերբի անցկացրեց «Ֆուլհեմի» դեմ և պարտվեց 1-2 հաշվով։ Տանտերերից 16-րդ րոպեին հաշիվը բացեց անգլիացի եզրային հարձակվող Քոուլ Պալմերը, որը նաև ռեկորդ սահմանեց։
Հյուրերից 82-րդ րոպեին պատասխան գոլը խփեց ուելսցի կիսապաշտպան Հարի Ուիլսոնը։ Ավելացված ժամանակի 5-րդ րոպեին էլ հյուրերին հաղթանակ պարգևեց բրազիլացի հարձակվող Ռոդրիգոն։
Զուգահեռ կայացան նաև այլ հանդիպումներ։
«Նոթինգհեմ Ֆորեստը» տանը 1-0 հաշվով հաղթեց Լոնդոնի «Տոտենհեմին»։ Խաղի միակ գոլը 28-րդ րոպեին խփեց շվեդ կիսապաշտպան Էնթոնի Էլանգան։
«Նյուքասլն» էլ տանը 3-0 հաշվով հաղթեց «Ասթոն Վիլային»։ Գոլի հեղինակ դարձան հարձակվողներ, անգլիացի Էնթոնի Գորդոնը և շվեդ Ալեքսանդր Իսակը, բրազիլացի վինգեր Ժոելինտոնը։
«Վեսթ Հեմն» էլ հյուրընկալվելիս 1-0 հաշվով առավելության հասավ «Սաութհեմփթոնի» նկատմամբ։
Իտալացի Էնցո Մարեսկայի գլխավորած «Չելսին» 35 միավորով երկրորդն է, «Նոթինգհեմը»՝ 34 միավորով երրորդը, «Նյուքասլը»՝ 29 միավորով 5-րդը, «Ֆուլհեմն» ու «Ասթոն Վիլան» էլ 28-ական միավորով բաժանում են 8-9-րդ տեղերը։
Անգլիայի Պրեմիեր լիգա, 18-րդ տուր
«Չելսի» - «Ֆուլհեմ»՝ 1-2
Քոուլ Պալմեր, 16 - Հարի Ուիլսոն, 82, Ռոդրիգո, 90+5
«Նոթինգհեմ Ֆորեստ» - «Տոտենհեմ»՝ 1-0
Էնթոնի Էլանգա, 28
Հեռացում՝ Ջեդ Սփենս, 90+4 («Տոտենհեմ»)
«Նյուքասլ» - «Ասթոն Վիլա»՝ 3-0
Էնթոնի Գորդոն, 2, Ալեքսանդր Իսակ, 59, Ժոելինտոն, 90+1
Հեռացում՝ Ջոն Դուրան, 32 («Ասթոն Վիլա»)
«Սաութհեմփթոն» - «Վեսթ Հեմ»՝ 0-1
Ջարոդ Բոուեն, 59
