Logo

Չեմպիոնական թուրն այլևս քարի մեջ չէ. «Էդուարդ արքայի լեգենդը»

Հեղինակ
Էդմոն Մարտիրոսյան
03:00 / 25.05.2025Ֆուտբոլ
Բացառիկ
null

Նա ընտրեց դառնալ ոչ թե ժամանակավոր հերոս, այլ լինել մշտական օրինակ...

Ֆուտբոլիստ, որը կարող էր դեռ 2 մրցաշրջան առաջ տեղափոխվել եվրոպական ակումբ, որոշեց մնալ «Կրասնոդարում» ու շարունակել գավաթային փնտրտուքները: Հաշվի առնելով ռուսական ֆուտբոլում տիրող իրավիճակը՝ յուրաքանչյուր ֆուտբոլիստ կառչում է հեռանալու նույնիսկ ամենափոքր շանսից: Նման կերպ իրենց եվրոպական կարիերան սկսեցին Արսեն Զախարյանը, Մատվեյ Սաֆոնովն ու Խվիչա Կվարացխելիան:

May be an image of 3 people and text that says 'ห WIHHE MиP MM Wi PHOTC'

Իսկ ի՞նչ եք կարծում, Էդուարդ Սպերցյանը չի՞ ունեցել հնարավորություն Ռուսաստանից հեռանալու: Վստահ եմ՝ նման շանսեր եղել են, բայց 24-ամյա կիսապաշտպանն իր հարազատ ակումբի սեփականատեր Սերգեյ Գալիցկիին խոստացել էր օգնել թիմին տիտղոս նվաճել:

2022/23 մրցաշրջանում «Ցլերը» մոտ էին Ռուսաստանի գավաթակիր դառնալուն, բայց եզրափակիչում պարտվեցին Մոսկվայի ԲԿՄԱ-ին, 2023/24 մրցաշրջանում ՌՊԼ-ում ընդամենը 1 միավորով հետ մնացին նախորդ տարիների անփոխարինելի չեմպիոն «Զենիթից»: Թվում էր, թե Սանկտ Պետերբուրգի ներկայացուցիչներին կանգնեցնել չի հաջողվի նաև այս մրցաշրջանում, բայց Էդուարդ Սպերցյանի առաջնորդած «Կրասնոդարը» փչացրեց «Զենիթի»՝ իր 100-ամյակը գնդակաձև գավաթի ուղեկցությամբ տոնելու երազանքը:

May be an image of ‎4 people and ‎text that says '‎ИAHbl Ninlina eنilniN‎'‎‎

«Կրասնոդարը» դարձավ Ռուսաստանի չեմպիոն, ու պատկերացնո՞ւմ եք՝ առաջին ֆուտբոլիստն այս ակումբի պատմության մեջ, որը գլխավերևում պահել է գրավիչ տիտղոսը, հայ է՝ Էդուարդ Սպերցյանը:

«Ես կատարեցի իմ խոստումը…»
Էդուարդ Սպերցյան

Ընդամենը մեկ նախադասություն, որի հետևում թաքնված են հազարավոր ժամեր, անքուն գիշերներ, վնասվածքներ ու հոգեբանական փորձություններ:

Ստավրոպոլում ծնված հայ ֆուտբոլիստը 24 տարեկանում դարձավ «Կրասնոդարի» լեգենդ: «Ցլերի» հաջողության մեջ նրա ներդրումն անգնահատելի է: Արդեն ավարտված մրցաշրջանում 11 գոլերն ու 6 ասիստները ցույց են տալիս Սպերցյանի ծավալած աշխատանքի միայն փոքր մասը:

May be an image of 4 people, people playing football, people playing soccer, crowd and text that says 'Wht Whlne ስይ ሰይ Wi በፍ'

«Կրասնոդարի» «Ոսկե տղան» Հայաստանի հավաքականում խաղացող առաջին ֆուտբոլիստն է, որը դարձել է Ռուսաստանի չեմպիոն: Հայերից «Ճերմակ գահին» բազմել է նաև Արշակ Կորյանը (2017/18 մրցաշրջան, «Լոկոմոտիվ»), բայց այդ ժամանակ նա դեռ չէր նշել նորամուտը ազգային թիմում:

143 խաղ, 44 գոլ, 32 գոլային փոխանցում. սա «Կրասնոդարում» Էդոյի վիճակագրությունն է, որը, մեծ հավանականությամբ, փոփոխության այլևս չի ենթարկվի:

«Ոչ մեկի համար գաղտնիք չէ, որ ցանկանում եմ ուժերս փորձել Եվրոպայում: Արդեն ժամանակն է Եվրոպա գնալու...»
Էդուարդ Սպերցյան

Սպերցյանը պատմություն կերտեց, պատմություն, որը կարելի է համեմատել Արթուր արքայի լեգենդի հետ: Ոչ բոլորն էին հավատում, որ արքայի թուրը՝ Էքսկալիբուրը, որևէ մեկը կկարողանա դուրս քաշել քարից, բայց դա արեց ոչ թե ֆիզիկապես ամենաուժեղը, այլ ամենաազնիվն ու ամենահավատարիմը…

Կարդացեք նաև՝

Մեզ կարող եք հետևել նաև Telegram-ում
fastnews-ads-banner

Նույն Թեմայով

fastnews-ads-banner
fastnews-ads-banner

Հարցում

Աղյուսակներ