Չեմպիոնների լիգայի որակավորման փլեյ-օֆֆի առաջին խաղում «Ֆեներբահչեն» ու «Բենֆիկան» գոլեր չխփեցին։

Հյուրերը 71-րդ րոպեից խաղում էին 10 ֆուտբոլիստով, բայց Ժոզե Մոուրինյոյի գլխավորած «Ֆեներբահչեն» չկարողացավ օգտվել քանակական առավելությունից։

«Բազելը» տանը ոչ-ոքի (1-1) գրանցեց «Կոպենհագենի» հետ, իսկ «Սելթիկի» ու «Կայրաթի» միջև Շոտլանդիայում կայացած խաղը գոլազուրկ էր՝ 0-0։

Հանդիպումները «Ֆասթ Սպորտ» հեռուստաալիքների («Ֆասթ Սպորտ», «Ֆասթ Սպորտ 1», «Ֆասթ Սպորտ 2») ուղիղ եթերում էին։

Զուգահեռաբար ընթացած խաղում Նորվեգիայի չեմպիոն «Բուդյո-Գլիմտը» ոչ մի շանս չտվեց «Շտուրմին»` 5-0։ Հանդիպումը հեռարձակվում էր Fast TV հավելվածում (iOS, Android):

Դիմակայությունների պատասխան հանդիպումները կկայանան օգոստոսի 26-27-ին։

Չեմպիոնների լիգա, որակավորման փլեյ-օֆֆ, առաջին հանդիպումներ

«Բազել» (Շվեյցարիա) - «Կոպենհագեն» (Դանիա)` 1-1

Շեդրան Շաքիրի, 14 (11մ) - Գաբրիել, 45+3

Հեռացում` Ջոնաս Ադջետեյ, 82 («Բազել»)

«Սելթիկ» (Շոտլանդիա) - «Կայրաթ» (Ղազախստան)` 0-0

«Ֆեներբահչե» (Թուրքիա) - «Բենֆիկա» (Պորտուգալիա)` 0-0

«Բուդյո-Գլիմտ» (Նորվեգիա) - «Շտուրմ» (Ավստրիա)` 5-0

Կասպեր Հյոգ, 7, Օդին Բյորտուֆտ, 10, Ուլրիկ Սալտենս, 25, Հակոն Էվյեն, 54, Ուլիլյամ Բովինգ, 79 (ինքնագոլ)