Չեմպիոնների լիգայի անցումային փլեյ-օֆֆի «Ռեալ Մադրիդ» - «Մանչեսթեր Սիթի» դիմակայության պատասխան հանդիպման մրցավար է նշանակվել ռումինացի Իշտվան Կովաչը, հայտնում է ՈՒԵՖԱ-ի պաշտոնական կայքը։
Եզրերում նրա օգնականները կլինեն Միխայ Մարիկան ու Ֆերենց Տունոդը, չորրորդ պաշտոնյան` Հորացիու Ֆեսնիկը։ VAR-ի պատասխանատուն նիդերլանդցի Դենիս Հեգլերն է, նրա օգնականը՝ լեհ Տոմաշ Կվյատկովսկին։
«Ռեալ» - «Մանչեսթեր Սիթի» դիմակայության առաջին խաղում իսպանական գրանդը հաղթել է 3-2 հաշվով։ Պատասխան հանդիպումը կկայանա փետրվարի 19-ին, Երևանի ժամանակով 23:45-ից կլինի «Ֆասթ Սպորտ»-ի ուղիղ եթերում:
