Ռուսաստանը ներկայացնող թենիսիստներ Կարեն Խաչանովն ու Անդրեյ Ռուբլյովը Ցինցինատիի «Մասթերսում» հրաժարվել են զուգախաղի պայքարից:
Նրանք առաջին շրջանում պետք է մրցեին Սալվադորից Մարսելո Արևալոյի և խորվաթ Մատե Պավիչի դեմ: Որոշվել է Խաչանովին և Ռուբլյովին փոխարինել Հնդկաստանը ներկայացնող Աներուդ Չանդրասեկհար-Ռամկումար Ռամաթան զույգով:
Ի դեպ, Արևալոն և Պավիչը Ցինցինատիի «Մասթերսի» զուգախաղի նախորդ տարվա հաղթողներն են:
Ավելի վաղ հայ թենիսիստ Խաչանովը Ցինցինատիի «Մասթերսի» մենախաղում պայքարը սկսել էր հաղթանակով:
