Մադրիդի «Ռեալը» խուսափում է «Ոսկե գնդակի» մասին խոսելուց, գրում է COPE-ն։
Ֆուտբոլի անհատական գլխավոր մրցանակին «Ռեալից» հավակնում են Կիլիան Մբապեն, Ջուդ Բելինգհեմն ու Վինիսիուս Ժունիորը։ «Արքայական ակումբը» սոցիալական ցանցերում չի շնորհավորել իր ֆուտբոլիստներին նոմինացվելու համար ու ընդհանրապես չի անդրադարձել «Ոսկե գնդակին»:
Հիշեցնենք, որ նախորդ տարի Իսպանիայի 36-ակի չեմպիոնը չէր ներկայացել Փարիզում կայացած մրցանակաբաշխությանը, քանի որ ակումբին արարողությունից ժամեր առաջ հայտնի էր դարձել, որ մրցանակը ստանալու է ոչ թե Վինիսիուս Ժունիորը, այլ «Մանչեսթեր Սիթիի» կիսապաշտպան Ռոդրին:
«Ոսկե գնդակի» այս տարվա արարողությունը տեղի կունենա սեպտեմբերի 22-ին Փարիզի «Շատլե» թատրոնում:
