Մադրիդի «Ռեալի» և Իսպանիայի ազգային հավաքականի նախկին, լեգենդար պաշտպան Սերխիո Ռամոսը միացել է ներդրողների խմբին, որը ցանկանում է ձեռք բերել անդալուզական «Սևիլիա» ֆուտբոլային ակումբը, հայտնում է COPE-ն:
Իսպանական ակումբի բանակցություններն ամերիկյան ներդրումային հիմնադրամի հետ ձախողվել են, ինչը հանգեցրել է բաժնետոմսերի գնի անկմանը։
Ռամոսն արդեն պաշտոնական առաջարկ է արել ակումբի բաժնետերերին՝ ակումբը խոշոր ներդրումային խմբի աջակցությամբ ձեռք բերելու համար: 39-ամյա իսպանացուն է վստահվել նախագծի կառավարումը։
Նրա առաջարկած գումարը, ինչպես նշում է աղբյուրը, խոշոր բաժնետերերին մինչև այժմ արված ամենաշահավետ առաջարկն է:
