Աշխարհի 7-րդ ռակետ Դանիիլ Մեդվեդևը հաղթեց ԱՄԷ-ի Դուբայ քաղաքում ընթացող ATP-500 շարքի մրցաշարում:
Եզրափակիչում ռուս թենիսիստը 6-2, 6-2 հաշվով առավելության հասավ իր հայրենակից Անդրեյ Ռուբլյովի նկատմամբ (6-րդ ռակետ):
Կիսաեզրափակիչում Մեդվեդևը հաղթել էր աշխարհի առաջին ռակետ, սերբ Նովակ Ջոկովիչին, իսկ Անդրեյ Ռուբլյովն ավելի ուժեղ էր եղել Գերմանիայի ներկայացուցիչ Ալեքսանդր Զվերևից:
Սա երրորդ շաբաթվա ընթացքում աշխարհի 7-րդ ռակետի երրորդ հաղթանակն է եզրափակիչում: Australian Open-ում պայքարը վաղ լքելուց հետո նա հաղթել էր Ռոտերդամի ու Դոհայի մրցաշարերում:
Մեդվեդևը մրցաշարում հաղթելու համար կվաստակի 500 վարկանիշային միավոր ու 533 990 դոլար, իսկ երկրորդ տեղը զբաղեցրած Ռուբլյովը՝ 300 միավոր և 287 320 դոլար:
