«Մարսելի» գլխավոր մարզիչ Ռոբերտո Դե Ձերբին խոսել է ակումբի վինգեր Մեյսոն Գրինվուդի մասին, հայտնում է Get Football News France-ը։
«Մեյսոնին ամեն օր տեսնում եմ։ Նա հսկայական ներուժ ունի։ Նման մակարդակի ֆուտբոլիստներ Եվրոպայում գրեթե չկան։ Գրինվուդը «Ոսկե գնդակը» նվաճելու ներուժ ունի։ Նա բավարար որակներ ունի` մրցանակը նվաճելու համար։ Կուզեմ` նա ավելի կայուն խաղա։
Գրինվուդին հարկավոր է ավելի ագրեսիվ պրեսինգի դիմել, ավելի լավ գնդակը վերահսկել, երբ թիմը դժվարին իրավիճակում է»,- ասել է իտալացի մասնագետը։
Անգլիացի եզրայինը պրովանսյան ակումբում հանդես է գալիս 2024թ. հուլիսից, 56 խաղում խփել է 35 գոլ, կատարել 10 ասիստ։
Ֆրանսիայի Լիգա 1-ի հանդիպումները ցուցադրվում են «Ֆասթ Սպորտ» հեռուստաալիքների («Ֆասթ Սպորտ», «Ֆասթ Սպորտ 1», «Ֆասթ Սպորտ 2») ուղիղ եթերում: Բոլոր խաղերը հեռարձակվում են Fast TV հավելվածում (iOS, Android):
