Իսպանիայի ազգային հավաքականի գլխավոր մարզիչ Լուիս դե լա Ֆուենտեն խոսել է Թուրքիայի թիմի դեմ աշխարհի 2026թ. առաջնության եվրոպական գոտու ընտրական մրցաշարի խաղում (6-0) տարած հաղթանակի մասին, գրում է Marca-ն։

«Ես հպարտանում եմ Իսպանիայի հավաքականով։ Թիմը շարունակում է աճել ու բարելավել խաղը։ Ես առաջինն եմ, որը զարմացած է։

Սա այնպիսի թիմ է, որի ֆուտբոլիստներին հնարավորինս քիչ բան կա ասելու։ Նրանք ամեն ինչ շատ հեշտ հասկանում են։ Մենք չէինք ցանկանում թույլ տալ այն սխալները, որոնք եղել էին Բուլղարիայի դեմ խաղում (3-0)։

Շատ եմ ցավում Նիկո Ուիլյամսի համար։ Նա կարծես ազդրի վնասվածք է ստացել»,- ասել է Դե լա Ֆուենտեն։

Թուրքիա - Իսպանիա հանդիպումը հեռարձակվել է «Ֆասթ Սպորտ 1»-ով։