Կիսապաշտպան Դեկլան Ռայսն ամառային տրանսֆերային պատուհանի ժամանակ կարող է հեռանալ «Վեսթ Հեմից»։ 23-ամյա խաղացողը նախորդ ամառ մերժել է թիմի՝ պայմանագրի երկարաձգման երկու առաջարկները՝ պարզ դարձնելով, որ իր նպատակը գավաթներ նվաճելն ու Չեմպիոնների լիգայում հանդես գալն են:
The Telegraph-ը հայտնում է, որ անգլիացու տրանսֆերային իրավունքները ձեռք բերելու համար կպայքարեն «Մանչեսթեր Սիթին», «Մանչեսթեր Յունայթեդը» և «Չելսին»։
«Վեսթ Հեմը» Ռայսին գնահատում է 100 միլիոն ֆունտ, սակայն ակումբը կարող է վերագնահատել ֆուտբոլիստի տրանսֆերային արժեքը:
Հավելենք՝ կիսապաշտպանն ընթացիկ մրցաշրջանում Պրեմիեր լիգայում անցկացրել է 22 հանդիպում՝ դառնալով 1 գոլի և 4 գոլային փոխանցման հեղինակ:
