«Բարսելոնայի» սպորտային տնօրեն Դեկուն ակումբին չի համարում Չեմպիոնների լիգայի ֆավորիտ.
«Ֆավորիտների թվում լինելու համար պետք է մի քանի տարի հասնես Չեմպիոնների լիգայի քառորդ եզրափակիչ կամ կիսաեզրափակիչ, իսկ մենք դա չենք արել։
Ավելի լավը դառնալու համար ընթացիկ մրցաշրջանում մենք պետք է քայլ առաջ կատարենք։ Որքան էլ մեծ լինի ոգևորությունը և որքան էլ լավ խաղանք, «Բարսան» ֆավորիտ չէ»,- բրազիլացի ֆունկցիոների խոսքը մեջբերում է Mundo Deportivo-ն։
«Բարսելոնան» վերջին անգամ Չեմպիոնների լիգայի տիտղոսը նվաճել է 2015 թվականին, իսկ դրանից հետո լավագույն արդյունքը գրանցել է 2019 թ., երբ հասել է կիսաեզրափակիչ։
