«Բարսելոնայի» հարձակվող Մեմֆիս Դեպայը Չեմպիոնների լիգայի խմբային փուլի 6-րդ տուրում կայացած «Բավարիայի» դեմ խաղի ժամանակ վնասվածք է ստացել։ Ֆուտբոլիստը մեկ ամիս կբացակայի ու 2021 թվականին այլևս չի խաղա՝ հայտնում է AS-ը։
Այս տարի կատալոնական ակումբն առաջնությունում երեք խաղ պիտի անցկացնի՝ «Օսասունայի», «Էլչեի» ու «Սևիլիայի» դեմ։ Դեկտեմբերի 14-ին «Բարսելոնան» նաև ծրագրում է ընկերական հանդիպում անցկացնել արգենտինական «Բոկա Խունիորիսի» դեմ։
27-ամյա Դեպայը Լա լիգայի այս մրցաշրջանում անցկացրած 15 խաղում դարձել է 8 գոլի ու 2 գոլային փոխանցման հեղինակ։ Ֆուտբոլիստի պայմանագիրն ուժի մեջ է մինչև 2023 թվականը։ Transfermarkt-ը 45 մլն եվրո է գնահատում նրա տրանսֆերային արժեքը։
