Նիդերլանդների հավաքականի հարձակվող Մեմֆիս Դեպայը 4 ամսվա պայմանական ազատազրկման է ենթարկվել ոչ սթափ վիճակում մեքենա վարելու համար, հայտնում է RMC Sport-ը:
2024 թվականի օգոստոսի 6-ին Մոնակոյի պարեկները ֆուտբոլիստի օրգանիզմում 1.01մգ ալկոհոլ էին հայտնաբերել: Բրազիլական «Կորինտիանսի» ֆուտբոլիստը նաև տուգանվել է 9000 եվրոյով և 2 տարով զրկվել է Մոնակոյում մեքենա վարելու իրավունքից:
Նիդերլանդցին Եվրոպայից հեռանալուց հետո ակումբային կարիերայում անցկացրել է 15 հանդիպում, խփել է 7 գոլ ու կատարել է 1 արդյունավետ փոխանցում:
Դեպայը Եվրոպայում խաղացել է նիդերլանդական «ՊՍՎ Էյնդհովենում», անգլիական «Մանչեսթեր Յունայթեդում», ֆրանսիական «Լիոնում», կատալոնական «Բարսելոնայում» ու Մադրիդի «Աթլետիկոյում»:
