Ֆրանսիայի ազգային հավաքականի գլխավոր մարզիչ Դիդյե Դեշամը խոսել է ֆրանսիացի մասնագետների մասին, հայտնում է RMC Sport-ը։
Ուկրաինայի հավաքականի դեմ աշխարհի 2026թ. առաջնության եվրոպական գոտու ընտրական մրցաշարի D խմբի հանդիպումից առաջ կայացած մամուլի ասուլիսի ժամանակ լրագրողներից մեկը Դեշամին հարց է ուղղել Չեմպիոնների լիգայի ընթացիկ մրցաշրջանում ֆրանսիացի մասնագետների բացակայության մասին.
«Իրավիճակը ցավալի է։ Ըստ իս` ֆրանսիացի մարզիչներին թերագնահատում են նույնիսկ Ֆրանսիայում։ Արտերկրում նույնպես նրանք ավելի ու ավելի պակասում են»,- ասել է 57-ամյա մասնագետը։
Ֆրանսիա - Ուկրաինա հանդիպումը կկայանա նոյեմբերի 13-ին և ժամը 23:30-ից կհեռարձակվի «Ֆասթ Սպորտ 1» հեռուստաալիքի ուղիղ եթերում։
ԱԱ-2026-ի եվրոպական գոտու ընտրական մրցաշարի հանդիպումները ցուցադրվում են «Ֆասթ Սպորտ» հեռուստաալիքների («Ֆասթ Սպորտ», «Ֆասթ Սպորտ 1», «Ֆասթ Սպորտ 2») ուղիղ եթերում: Բոլոր խաղերը հեռարձակվում են Fast TV հավելվածում (iOS, Android):
