Իտալիայի հավաքականը երրորդ տարին անընդմեջ դուրս է եկել թենիսի Դևիսի գավաթի խաղարկության եզրափակիչ։

Իտալացիները կիսաեզրափակիչում 2-0 հաշվով հաղթել են Բելգիայի թիմին։

Մենախաղում Մատեո Բերետինին (56-րդ ռակետ) 6-3, 6-4 հաշվով հաղթել է Ռաֆայել Կոլինյոնին (86-րդ ռակետ)։

Ֆլավիո Կոբոլին (22-րդ ռակետ) գերլարված պայքարում 6-3, 6-7 (5-7), 7-6 (17-15) հաշվով հաղթել է Զիզու Բերգսին (43-րդ ռակետ)։ Մրցախաղը տևել է 3 ժամ 7 րոպե։

Երրորդ սեթի թայ-բրեյքում Կոբոլին չեզոքացրել է մրցակցի 7 մատչ-փոյնթ։ 

Եզրափակիչի մյուս ուղեգիրը կխաղարկեն Իսպանիայի ու Գերմանիայի հավաքականները։

Իտալիան նախորդ երկու տարիներին նվաճել է Դևիսի գավաթը։